Isang produktibo at malikhaing tag-araw ang nais ihatid ng Cultural Affairs Committee (CAC) para sa mga mamamayan ng Batangas City. Narito ang mga detalye:
Public Information Office
PRESS RELEASE
April 5, 2010
Sinimulan na noong ika-4 ng Abril ang Tanghal Sining sa Tag-Araw sa Manuela Q. Pastor Park sa Brgy. Pallocan West.
Ito ay isang proyekto ng Cultural Affairs Committee (CAC) ng pamahalaang lungsod ng Batangas sa pangunguna ni Mayor Eduardo B. Dimacuha at ABC President Vilma Abaya Dimacuha na naglalayong malinang ang sining at kultura sa lungsod at maipakita ang angking galing at talento ng mga mag-aaral mula sa ibat-ibang paaralan na magtatanghal.
Ayon kay Ed Borbon, Vice Chairman ng CAC ng Batangas City, ito ang unang pagkakataon na may ganitong uri ng pagtatanghal, at inaasahan niya na magpapatuloy pa ito upang mas higit pang maipakita ang tunay na kahulugan ng sining.
Unang nagtanghal ang Carmel School of Batangas na naghandog ng munting kasiyahan sa pamamagitan ng mga sayaw at mga awiting bilang pagdiriwang sa muling pagkabuhay ni Hesus.
Samantala, nakatakda ding magkaroon ng ibat-ibang workshop ang CAC tulad ng Children Arts, Creative Writing, Photography, Professional Make-up, Music at Folk Dance na gaganapin sa Bahay ni Ka Tonying Pastor ngayon Abril. (Liza Perez Delos Reyes, PIO Batangas City)
Technorati Tags: summer workshops batangas city, cultural affairs committee batangas city, tanghal sining sa tag-araw batangas city
